Kộ? Onȁ? Znȏn, znȏn. Tȍ je bȋlo ovẹ̃ zīmệ. Dọ̃śla ti je onȁ u crĩkvu, znȏś kakȍ (o)nȁ dọ̃jde po se poklȍni kȍ da je śvọ̃raśvộra... Imãla je lĩpi cȑni kapȍt do tlehȁ, a ol ȉspo(d) se vȉdila jelnȁ parȋ blȗza crvȅna, crvȅna da crvenȉja ne mȍge bȉ(t), i jedȏn pandȋl cȑni kolȗr do kȍlin. I dȍl je imãla lĩpe postolȅ na tãke, onȍ do kośćȋc. A lȕda je stãvila nikệ vȅle rećȋne da su nu se ȕśi posvȅ obȉsile. A nã ruke gvȏnte, crvȅne, da nu se slõźe sa blȗzon i pȍviśe tȅga pệ braćolȅti. Za Sakramệnta! Ondȁ ka(l) je bȋlo onȍ „Prȕźite mȋr“, ondȁ je gvȏnte skȉnula. Jõ govȍrin: „Ȁjme mȅni, da te pokọ̃jna mȁt vȉdi ce cinĩś ol sȅbe!“
